اهواك لوعمرك بتقضيه في الصد 
واصبر على صدك عسى ربي يهديك 
بك لي ربط حظي وانا اعطيت لك عهد
لابد اوفي بالعهد حتى ارضيك 
عالي رفعت الراس مانول لك رد
تبطر على من حب حبك ويغليك 
ترى يجي لك يوم به برق به رعد
يردك لنا او يوم بالنار يكويك
ارحم عسى ربن مميزك بالقد 
يزرع بقلبك حب من هو يغليك 
كل الدقايق من صدودك وعد 
وكن الليالي تتفق مع لياليك 
تطول ساعاتي وسنينك بلاعد 
ترى ماتدري هنا ها ملهيك
وانا احترق كالجمر في جوف موقد
حتى ادفي برد قلبك وادفيك
من لفع برد الليل ياموطن البرد
جمر الغضى قلبي ولاكن عجز فيك

الدروع الصامده

جيت انا للعسكريه  في معاقل للرجال

في سبيل الذود عن ارض الوطن

في ميادين الشرف لاشيء محال

ومركز التدريب اتقان(ن) وفن

المدرب يوعز الايعاز تسمع له تقال

الرعد جنبك على سحابه سكن

كل مطلع فجر وإنا في سجال

نلبس البذله فدى عيون الوطن

نشحذ الهمه ونصرخ يارجال

الحقوا الطابورفي اسرع زمن

ندخل الصفه واملنا لايزال

في التخرج صاملاً لا ما وهن

كلنا امآل ينسجها الخيال

في ضمير الغد يملأها الشجن

ابتعدنا عن دياروعن اهل

نطلب الرفعه ولو زاد الثمن

رفعتًا للدين لا حان القتال

والحضيض اللي على المله دفن

عن حياضك يا الوطن مثل الجبال

نصمد بوجه العداء وقت المحن

وعن ولي الامر حلال الثقال

بالدماء والروح نفديهم بفن

هم لنا بعد الكريم مثل الظلال

من شموس حارقه حول الوطن

والدروع الصامده في كل حال

هم رجال المملكه منذو زمن

آرث من اجداد في الهامه طوال

وهم طوال الباع بالسيف والرسن

نسأل الله من خلق ارض وجبال

يأمن الديره ويا قأها الفتن .

ابتهل مادام تلقى لك مجال

واترك الدنيا وهمك اقهره

لو همومك ثقلها ثقل الجبال

ثق ترى الدعوه لهمك تقبره

دام انك بالقدر تؤمن محال

تضعف عزومك وكسرك تجبره

من دعى بالليل دعوات ثقال

يسمعه من ساق رزقه ويسره

والبصير اللي عن الدنيا تعال

ماتهمه مقبلهااو مدبره

وكل مكتوبً لخلق الله يطال

مانقص بل زاد  ربك دبره

والشقي يشقى بفعله والجدال

في امورن سنها من اقبره

حكمة الخلاق  مافيها جدال

له علينا الشكر ولازم نشكره

اوجد الله فيك ايات الكمال

قلبك وعقلك وفرضً تسجده

يادفى ليلي ..

ياعديل الروح لو طال الغياب

عن خفوقي لاتظن انك بعيد

انت في قلبي وحوله له حجاب

انته نبضي كل مايبدى يعيد

يادمي لا ترتضى ليه العذاب

في عروقي انت تجري بالوريد

يانهاري ياندى بل يا ضباب

يارذاذ الصبح لازار الجريد

بالورق يكسي البراعم والعتاب

بينها يبدى ويذوب الجليد

يا اللي انفاسك مثل طيف السراب

ضمني بصدرك مثل طفل وليد

يادفىء ليلي ويا نجم وسحاب

ياسماءها يا قمرها ياعنيد

امطرت حولي ومزنك عني غاب

جفت أعروقي مثل ما جف عود

وانتشر حولي ومن حولي الشذاب

والكلا حوله مثل عقد فريد

ياعديل الروح لاطال الغياب

تكتئب نفسي واوجاعي تزيد

�ياطبيبي حالتي مثل الكتاب

واضحه ماعاد لها عقار(ن) يفيد

كم طبيب(ن) زارني قلبه يهأب

هاله المنظر ولو قلبه شديد

حالتي حالة حمل جته الذيأب

يرتعد خايف وتفكيره شريد

ماعرف لاوين ينوي بالذهاب

ضاعت الوجهه ودرب امه بعيد

بقلمي / احمد يحي الناصري

عيا الكلام والقصيده عصتني 
مقدر اوفي بالقصيده قصيده
ضاع الكلام وشاب عقلي وتفكيري
هول الخبر ادمى بقلبي وريده
هزالخبركل القوافي وشوفي 
ماعدت اميز والقوافي عنيده
قالو توفى قلت الله حسيبي 
سلطان راعي الطيب موته مصيبه
ماغيرحكم الله ساعه يصيبي
مابه تاخر او تقدم دقيقه
الله يجبر كسرنا في الفقيدي
راعي المواقف والعلوم السديده
مرحوم ابو خالدعضيد العضيدي
حامي سماارض الديارالفريده
كم له صقورن في سمها تطيري
محلقه بالليل ووقت الظهيره
بنا لنا قوات تهدر هديري
يرتاع منها كل خاين لدينه
خلى عدوالمملكه مايطيري
خلاه مثل البوم داخل جحوره
الحر لا رفرف تهاب الحباري
واللي تعاند ماتعدى فطوره
تلقى لها مخلاب حروصقيلي
ينثر دماها والعواقب وخيمه
والارض فيها للقواعد مثاني
في كل ديره تلقى فيها حضيره
قوات وقت السلم قالت سلامي
ووقت المعارك بالمعارك جديره
يرحمه ربي من اقاصي ضميري
ابو اليتاما هو فخر كل ديره

 

…ساهر…
ساهر الأالة وبرمجها النظام
سير متقيد وراعي نظامها
ماتصور من يقود باألاحترام
حسها مبرمج عليه فلاشها
التزم ترجع بعون اللي ماتنام
عينه اللي مايجيها نعاسها
صير متقيد ولاتكثر كلام
خفف السرعه خسر من سابها
لاتهور ودايم اربط للحزام
كم من الاحباب راحوا اسبابها
واترك الجوال ممنوع الكلام
تفقد التركيز ودع مذياعها
سلط التركيز وانظر للامام
لاتلفت تحترق في نارها
والحقيقه ان ساهر ياكرام
صار شي مألوف في ميدانها
ساهر امجند وعينه ماتنام
صاحيه في ليلها ونهارها
لاتخالف خلها نقطة نظام
كاميرا ساهر تطفي فلاشها
خفف السرعه يا الله الهمام
وتابع العقرب على طبلونها
ثبت السرعه على الميه تمام
واترك العشرين بخشيشن لها
واتبع خط(ن) معلم بالسهام
تعرف المخرج وقف اصحى لها
واحذروا يا اهل التسامح ياكرام
الله يحفظ ديرتي وعايلها ..

كفكفي ياعين دمعك

كفكفي ياعين دمعك واصبري

بكره يفرجها مُرسي جبالهاً

واعلمي ثم اعلمي ثم  اعلمي

بالصبر تُفتح جميع ابوابها

واذكري الله واحرصي لاتغفلي

لابد الله يعوضك بإفراجها

ولا نساك انسان لا لاتيأسي

في بني ادم عوض با اجيالها

والصديق اللي يبيع ويشتري

بالصداقه ما دري وش صابها

طول وقته با الملذة ملتهي

والنفوس اللي كسرها عافها

لا خسر غالي كانه مادري

ميت الاحساس نفسه عابها

يا كثر ما عن طريقه صابني

من هموم كالجبال وامثالها

اسهرت عيني وحالت مضجعي

مثل جمر يتقد من تحتها ومن فوقها

ادعي ربي كاشف الهم الخفي

يفرج الكربه ويمحي اسبابها

مثل مايُمحى ظلام الليل بالصبح الذي

يتبع الظلمه بشمس نهارها

والخلاصه ليت منه ملتهي

ينتبه للأخره وعقابها 

 بقلم : احمد الناصري

ياسكون الليل

يا مساء ورد  عليه البرق والهتان

اعتلت من فوق رووس اشجارها

تنثر الدمعه على رموش الحسان

حتى منها تمايلت وتثأبت ازهارها

ياعبير الورد والريحان في عيون المكان

تبرى منك الروح وتبرى اعطابها

يطربك صوت الربابه والكمان

تعزف الالحان في قيعانها

في مكان اتقابلوا وصمت الليل زان

وارتحل عنهم قديم احزانها

يا سكون الليل ياواحه وجنان

قولي للهتان يملى احواضها

واغرسي ورد التلاقي في مكان

صار يحمل من جميل اسرارها

يامساء ورد عليه البرق والهتان

اعتلت من فوق رووس اشجارها

رفيق المصلحه

يا الرفيق اللي غدى مثل السراب

يوم احتجته وضاقت بي الدروب

قام يتملص وينعق  كالغراب

لادهمه الخوف في ساعة غروب

ساق لي الاعذار وزودني عذاب

ياخساره زاد ينُسى في الكروب

يارفيق المصلحه ملحن وذاب

بأول الهتان يفرح بالهروب

و الله انه كان من ربعي القراب

يوم اني بلا فخر مثل الهبوب

خذ ولا تخجل ترى ماهي رقاب

خذ علوم رجال مصبوبه صبوب

عنه صديت الشوارب كالسجاب

لاحجب شمس القوايل كالقلوب

كالقلوب اللي اسكنت خلف الحجاب

زابنه ودروعها صدر وجنوب

ثق ترى الايام بانواع العقاب

تنتظر وان طال بك درب الهروب

لوعليه عتاب عاتب يا عتاب

خيرت اللي راح في الحاضر يذوب

يارفيقي خيرتك بتسيرتراب

وكل شمس مردها يم الغروب